उर्लाबारी । झापाको दमकमा केन्द्रिय कार्यालय रहेको युथ लिडर्स नेपालको सहयोगमा उर्लाबारीका ३ वटा सस्थालाई विद्युतिय पानी फिल्टर वितरण गरिएको छ ।
नेपाली काँग्रेस कोशी प्रदेश सहमहामन्त्री तथा उर्लाबारी नगरपालिकाका सस्थापक मेयर खड्ग फागोको पहलमा युथ लिडर्स नेपालले धार्मिक तथा सामाजिक क्षेत्रमा योगदान पुर्‍याउदै आएका सस्थाहरुलाई फिल्टर वितरण गरेको हो ।
जस अर्न्तगत शनिबार पुर्वउत्तर मोरङका पत्रकारहरुको साझा संस्था सञ्चार क्लब नेपाललाई ३२ हजार रुपैयाँ बराबरको एक थान पानी फिल्टर हस्तान्तरण गरिएको हो ।
त्यसैगरी उर्लाबारी ७ मा रहेको हेब्रोन चर्च र दुर्गा मन्दिर उर्लाबारी–३ लाई पनि एकएक थान पानी फिल्टर प्रदान गरिएको छ । सामाजिक उत्तरदायित्व वहन गर्दै युथ लिडर्स नेपालले उक्त सामग्री वितरण गरेको सस्थाका मिलन आचार्यले बताउनु भयो ।
कार्यक्रममा नेपाली काँग्रेस उर्लाबारी नगर सभापति सुरेन्द्र लिम्बु, कोषाध्यक्ष बेलबहादुर कार्की, प्रदेश प्रतिनिधी टंक राई, तरुण दल नगर सभापति विक्रम चापागाई, विपी अध्ययन प्रतिष्ठान उर्लाबारीका अध्यक्ष सोमप्रसाद तिम्सीना, नगर सचिव राजन रायमाझी, वडा नम्वर– ७ का वडासदस्य सुमन कार्की पत्रकार तथा स्थानीयहरुको उपस्थिती रहेको थियो ।
यसअघि पनि युथ लिडर्स नेपालका अध्यक्ष मिलन आर्चायकै सहकार्यमा साना सहयोगी समुह नेपालको सहयोगमा उर्लाबारी–७ मा रहेको नमुना बालगृह, जीवन बचाउ उपचार गृह तथा उर्लाबारी–४ मा रहेको उर्लाबारी बहुमुखी क्याम्पस र ज्येष्ठ नागरिक समन्वय केन्द्र उर्लाबारी–४ जस्ता विभिन्न संघ संस्थाहरूलाई सहयोग गरेको थियो ।

प्रतिक्रिया

सम्बन्धित खवर

ताजा समाचार

लोकप्रिय